Nýtt skipulag, nýjar innréttingar og ný efni en þetta þriggja hæða einbýlishús var allt tekið í gegn að innan þar sem mjúkir jarðlitir í takt við svartan lit ráða ríkjum.
Við breytingar innandyra var lögð áhersla á skipulag sem hentaði nýjum eigendum sem meðal annars fól í sér að stækka eldhús verulega. Hlýleiki í efnisvali var í forgrunni.
Allar innréttingar voru sérsmíðaðar hjá Við & Við en parket og flísar eru frá Ebson.
Parkó ehf sá um parketlögn. Natni og fagmennska þeirra sést vel á fallegum frágangi við hvert stigaþrep.
Borðplötur komu frá Granítsteinum en það fyrirtæki sá einnig um smíði handlaugar á vegg á gestasalerninu og handlaugar á baðherbergi efri hæðar.
Efsta hæð er undir súð sem getur stundum verið til vandræða við uppröðun húsgagna. Veggur við enda hjónarúms var því þykktur til að gefa færi á meiri lofthæð við höfuðgafl og voru náttborð með útdraganlegri plötu felld inn í þá þykkt.
Voffi fylgdist rólegur með myndatöku.
Baðherbergi neðstu hæðar fékk að halda gufubaðsklefanum sem var þar fyrir en annað var endurgert og bætt
